488 REGISTRES DU BUREAU [i55₇]

mons' de Jumeauville, mons' Le Lievre : Conseil- au lieu dud. feu sire Denis Berthelemy, sire Nicolas

1ers; Perrot, à present Prevost des Marchans; et a faict

Tous lesquelz ont esleu pour Conseiller de Ville, le serment dud. estat en la maniere acoustumée.

DCCCCXIII. ---- III^e M. LIVRES DEMANDEZ PAR LE ROY À LA VlLLE.

18 juin 1557. (Fol. -'-8 v°.)

Après lad. eslection, tous les dessusd, se sont retirez à la Grande Salle de l'Ostel de lad. Ville, à l'Assemblée generalle qui se faisoit pour le faict des 111^e m. livres demandez par le Roy à lad. Ville sur aucuns magazins; où estoient lesd. Conseillers, Quarteniers et six Bourgeois mandez de chascun quartier, les Estatz, Corps, Colleges etCommunaul-tez tant d'église que séculiers.

Et après ce que mond. s^r le Prevost a mys la matiere en deliberation, a esté conclud que lad. Ville acordera au Roy lesd. 111^e n. livres tournois au feur et ainsi que les deniers viendront de gré à gré et sans aucune contraintte, en baillant bonne et suffisante assignation jusques à la somme des vingt-neuf mil livres tournois, pour constituer rente au

denier douze à ceulx qui vouldront bailler deniers à lad. Ville; et que l'ung de Mess™ du Bureau se retirera vers ie Roy pour luy declairer lad. conclusion, et luy remonstrer le reffuz faict par le general Destoumet de bailler son atache aux lettres de vendition de ses greniers pour les 111^e m. livres qui ne sont encores fourniz. Et reste encores la somme de iiii" xii m. livres, dont est advenu et pourra advenir le retardement des deniers, mesmes pour la pluspart des greniers que le Roy veult à present bailler à lad. Ville estans en la charge dud. Destoumet. Et sera porté l'acte du reffuz pour le monstrer au Roy et ti Nosseigneurs de son Conseil Privé, affin qu'il y soit pourveu.

DCCCCXIV. — Lettres de Monseigneur de Montmorency.

Reçues après le 29 juin 1557. (Fol. 249 v°.)

Mess",

"Estant arrivé en ceste Court, j'ay leu les mémoires que je vous avois dict mettre es mains de mon secretaire ne contenans autres choses sinon les pris des vuidanges des terres à la toise, les pris de ia chaulx, pierre de taille et blocart, emsemble ce que ont cousté les manouvriers tant maçons,chassa-vans que autres à divers pris, qui sont trés bien couchez par ordre selon les années que avez faict besongner à vostre ville. Et pour ce que par cela je ne puis voir combien avez receu d'argent, et quelle despence vous y avez faict sans y comprandre le boullevert de la riviere qui a esté faict à la toise par Jacques d'Envyn et Guy de Chaslons, entrepreneurs;

"A ceste cause, vous ne ferez faulte m'envoyer, au plus tost que pourrez, ung estat au vray de vostre recepte et despence pour le faict de lad. for-tiflication pour plus particulierement respondre à Sa Majesté du bon et loyal mesnage dont avez usé depuis le temps que l'on a commencé à fortiffier

vostre ville jusques à present, ad ce qu'il se puisse rendre comptant du soin et travail que avez eu pour ce regard, dont je luy feray rapport selon vox advertissements et ce que j'ay veu pour du tout l'en satisfaire, mettant à part les deniers desboursez pour la pierre de Vaugirard, celle de Saint Leu el autres pierres pour faire libage, pareillement de la chaulx et du bloc, le tout par bon ordre, separement et speciallement de ce qui a esté fourny par chascune année jusques à la fin de ce moys; car il a pleu à Sa Majesté nous le commander ainsy.

"Sur quoy ne vous en diray d'avantage, attandant la satisfaction que me ferez de toutes ces choses; en quoy ne ferez aucune'faulte en cest endroit.

"Je priray Dieu, Mess™, vous avoir en sa saincte garde."

"De Compiengne, ce penultime Juing v° lvii.

"Vostre bon amy,

"François de Montmorency t¹'.n

⁽¹⁾ François de Montmorency, Gouverneur de Paris par Lettres patentes du 17 août 1556; sur ce personnage, voir la note de la page 452.



	488 REGISTRES DU BUREAU [i55₇] mons' de Jumeauville, mons' Le Lievre : Conseil- au lieu dud. feu sire Denis Berthelemy, sire Nicolas 1ers; Perrot, à present Prevost des Marchans; et a faict Tous lesquelz ont esleu pour Conseiller de Ville, le serment dud. estat en la maniere acoustumée. DCCCCXIII. ---- III^e M. LIVRES DEMANDEZ PAR LE ROY À LA VlLLE. 18 juin 1557. (Fol. -'-8 v°.)

	Après lad. eslection, tous les dessusd, se sont retirez à la Grande Salle de l'Ostel de lad. Ville, à l'Assemblée generalle qui se faisoit pour le faict des 111^e m. livres demandez par le Roy à lad. Ville sur aucuns magazins; où estoient lesd. Conseillers, Quarteniers et six Bourgeois mandez de chascun quartier, les Estatz, Corps, Colleges etCommunaul-tez tant d'église que séculiers. Et après ce que mond. s^r le Prevost a mys la matiere en deliberation, a esté conclud que lad. Ville acordera au Roy lesd. 111^e n. livres tournois au feur et ainsi que les deniers viendront de gré à gré et sans aucune contraintte, en baillant bonne et suffisante assignation jusques à la somme des vingt-neuf mil livres tournois, pour constituer rente au	denier douze à ceulx qui vouldront bailler deniers à lad. Ville; et que l'ung de Mess™ du Bureau se retirera vers ie Roy pour luy declairer lad. conclusion, et luy remonstrer le reffuz faict par le general Destoumet de bailler son atache aux lettres de vendition de ses greniers pour les 111^e m. livres qui ne sont encores fourniz. Et reste encores la somme de iiii" xii m. livres, dont est advenu et pourra advenir le retardement des deniers, mesmes pour la pluspart des greniers que le Roy veult à present bailler à lad. Ville estans en la charge dud. Destoumet. Et sera porté l'acte du reffuz pour le monstrer au Roy et ti Nosseigneurs de son Conseil Privé, affin qu'il y soit pourveu.

	DCCCCXIV. — Lettres de Monseigneur de Montmorency. Reçues après le 29 juin 1557. (Fol. 249 v°.)

	Mess", "Estant arrivé en ceste Court, j'ay leu les mémoires que je vous avois dict mettre es mains de mon secretaire ne contenans autres choses sinon les pris des vuidanges des terres à la toise, les pris de ia chaulx, pierre de taille et blocart, emsemble ce que ont cousté les manouvriers tant maçons,chassa-vans que autres à divers pris, qui sont trés bien couchez par ordre selon les années que avez faict besongner à vostre ville. Et pour ce que par cela je ne puis voir combien avez receu d'argent, et quelle despence vous y avez faict sans y comprandre le boullevert de la riviere qui a esté faict à la toise par Jacques d'Envyn et Guy de Chaslons, entrepreneurs; "A ceste cause, vous ne ferez faulte m'envoyer, au plus tost que pourrez, ung estat au vray de vostre recepte et despence pour le faict de lad. for-tiflication pour plus particulierement respondre à Sa Majesté du bon et loyal mesnage dont avez usé depuis le temps que l'on a commencé à fortiffier	vostre ville jusques à present, ad ce qu'il se puisse rendre comptant du soin et travail que avez eu pour ce regard, dont je luy feray rapport selon vox advertissements et ce que j'ay veu pour du tout l'en satisfaire, mettant à part les deniers desboursez pour la pierre de Vaugirard, celle de Saint Leu el autres pierres pour faire libage, pareillement de la chaulx et du bloc, le tout par bon ordre, separement et speciallement de ce qui a esté fourny par chascune année jusques à la fin de ce moys; car il a pleu à Sa Majesté nous le commander ainsy. "Sur quoy ne vous en diray d'avantage, attandant la satisfaction que me ferez de toutes ces choses; en quoy ne ferez aucune'faulte en cest endroit. "Je priray Dieu, Mess™, vous avoir en sa saincte garde." "De Compiengne, ce penultime Juing v° lvii. "Vostre bon amy, "François de Montmorency t¹'.n

	⁽¹⁾ François de Montmorency, Gouverneur de Paris par Lettres patentes du 17 août 1556; sur ce personnage, voir la note de la page 452.